Qazaqstan Respýblıkasy Úkimetiniń qaýlysy  №685 

  2016 jylǵy 9 qarasha  Astana, Úkimet Úıi Terrorızm aktisin bolǵyzbaýǵa nemese jolyn kesýge kómektesken aqparat úshin syıaqy belgileý jáne tóleý qaǵıdalaryn bekitý týraly «Terrorızmge qarsy is-qımyl týraly» 1999 jylǵy 13 shildedegi Qazaqstan Respýblıkasynyń Zańy 9-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Terrorızm aktisin bolǵyzbaýǵa nemese jolyn kesýge kómektesken aqparat úshin syıaqy belgileý jáne tóleý qaǵıdalary bekitilsin. 2. Osy qaýly 2017 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri B.SAǴYNTAEV Qazaqstan Respýblıkasy Úkimetiniń 2016 jylǵy 9 qarashadaǵy №685 qaýlysymen bekitilgen Terrorızm aktisin bolǵyzbaýǵa nemese jolyn kesýge kómektesken aqparat úshin syıaqy belgileý jáne tóleý qaǵıdalary 1. Jalpy erejeler 1. Osy Terrorızm aktisin bolǵyzbaýǵa nemese jolyn kesýge kómektesken aqparat úshin syıaqy belgileý jáne tóleý qaǵıdalary (budan ári – Qaǵıdalar «Terrorızmge qarsy is-qımyl týraly» 1999 jylǵy 13 shildedegi Qazaqstan Respýblıkasynyń Zańy 9-babynyń 3tarmaǵyna sáıkes ázirlendi jáne terrorızm aktisin bolǵyzbaýǵa nemese jolyn kesýge kómektesken aqparat úshin syıaqy belgileý jáne tóleý tártibin aıqyndaıdy. 2. Syıaqy tóleý osy maqsatqa terrorızmge qarsy is-qımyl salasyndaǵy qyzmetti úılestirý jónindegi ýákiletti memlekettik organǵa (budan ári – ýákiletti organ) tıisti qarjy jylyna kózdelgen bıýdjet qarajaty esebinen júrgiziledi. 2. Terrorızm aktisin bolǵyzbaýǵa nemese jolyn kesýge kómektesken aqparat úshin syıaqy belgileý jáne tóleý tártibi 3. Terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamdarǵa ýákiletti organ syıaqy tóleıdi. Syıaqy bir ret tólenedi jáne mynadaı tártippen belgilenedi: 1) 2014 jylǵy 3 shildedegi Qazaqstan Respýblıkasynyń Qylmystyq kodeksi (budan ári – QK) 255-babynyń birinshi jáne ekinshi bólikterinde kózdelgen terrorızm aktisi týraly qylmystyq ister boıynsha – 750 (jeti júz elý) aılyq eseptik kórsetkish (budan ári – AEK); 2) QK 255-babynyń úshinshi jáne tórtinshi bólikterinde kózdelgen terrorızm aktisi týraly qylmystyq ister boıynsha – 1000 (bir myń) AEK. Terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adam syıaqydan bas tartqan jaǵdaıda, ýákiletti organnyń aýmaqtyq organyna (budan ári – aýmaqtyq organ) tıisti ótinish beredi. 4. Terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamǵa syıaqy berý, eger aıypty adamǵa qatysty: 1) 2014 jylǵy 4 shildedegi Qazaqstan Respýblıkasy Qylmystyq-prosestik kodeksiniń (budan ári – QPK) 521-babyna sáıkes medısınalyq sıpattaǵy májbúrleý sharasyn qoldaný týraly sot qaýlysy nemese aıyptaý úkimi zańdy kúshine engen; 2) QPK 35-baby birinshi bóliginiń 9), 11) jáne 12) tarmaqshalarynda kózdelgen negizder boıynsha qylmystyq isti toqtatý týraly qaýly shyqqan jaǵdaıda tólenedi. 5. Aýmaqtyq organ terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamǵa syıaqy alý quqyǵy týyndaǵany týraly úsh jumys kúni ishinde habarlaıdy. Terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adam turǵylyqty jeri boıynsha aýmaqtyq organǵa osy Qaǵıdalardyń 6-tarmaǵynyń 2), 4) jáne 5) tarmaqshalarynda kórsetilgen qujattardy usynady. 6. Aýmaqtyq organ osy Qaǵıdalardyń 4-tarmaǵyna sáıkes syıaqy alý quqyǵy týyndaǵan kúnnen bastap on jumys kúni ishinde mynadaı qujattardy qalyptastyrady jáne ýákiletti organnyń tóraǵasy aıqyndalǵan ýákiletti organnyń qurylymdyq bólimshesine (budan ári – ýákiletti bólimshe jiberedi: 1) aýmaqtyq organnyń qoldaýhaty; 2) habarlama talony túbirteginiń kóshirmesi; 3) zańdy kúshine engen aıyptaý úkimi nemese medısınalyq sıpattaǵy májbúrleý sharasyn qoldaný týraly sot qaýlysynyń kóshirmesi ne QPK 35-baby birinshi bóliginiń 9), 11) jáne 12) tarmaqshalarynda kózdelgen negizder boıynsha qylmystyq isti toqtatý týraly qaýlynyń kóshirmesi; 4) terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamnyń jeke sáıkestendirý nómirin kórsete otyryp, jeke basyn kýálandyratyn qujatynyń kóshirmesi; 5) terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamnyń aǵymdaǵy banktik shoty kórsetilgen ekinshi deńgeıdegi bank anyqtamasynyń túpnusqasy. Adamnyń aǵymdaǵy banktik shoty bolmaǵan jaǵdaıda, ózi kez kelgen ekinshi deńgeıdegi bankte aǵymdaǵy banktik shotyn ashady. 7. Ýákiletti bólimshe barlyq qajetti qujattar kelip túsken kúnnen bastap on jumys kúni ishinde olardyń tolyqtyǵy men durystyǵyn tekseredi jáne terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamǵa syıaqy tóleý týraly ýákiletti organ buıryǵynyń jobasyn daıyndaıdy. Tekserý prosesinde qujattardy resimdeýde kemshilikter men dálsizdikter anyqtalǵan kezde ýákiletti bólimshe osy Qaǵıdalardyń 6-tarmaǵynda kórsetilgen qujattardy qatelikterdi joıý jáne onymen bir mezgilde terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamǵa syıaqy tóleýdi keshiktirý sebepteri men merzimderi týraly habarlaý úshin aýmaqtyq organǵa qaıtarady. Aýmaqtyq organ kemshilikter men dálsizdikter joıylǵannan keıin on kún ishinde osy Qaǵıdalardyń 6-tarmaǵynda kórsetilgen qujattardy ýákiletti bólimshege qaıta joldaıdy. 8. Ýákiletti organnyń syıaqy tóleý týraly buıryǵy shyǵarylǵannan keıin aýmaqtyq organ syıaqy tóleý týraly buıryq shyqqan kúnnen bastap alpys kúntizbelik kún ishinde terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamǵa qazynashylyqtyń aýmaqtyq bólimsheleri arqyly onyń ekinshi deńgeıdegi banktegi aǵymdaǵy banktik shotyna syıaqyny tóleýdi júzege asyrady. 9. Aýmaqtyq organ terrorızm aktisin bolǵyzbaýǵa nemese jolyn kesýge kómektesken aqparatty habarlaǵan adamǵa zańnamada belgilengen tártippen onyń ekinshi deńgeıdegi banktegi aǵymdaǵy banktik shotyna aqshalaı qarajattyń aýdarylǵany týraly úsh kún ishinde málimdeıdi.